उद्योग, पर्यटन, वन तथा वातावरण मन्त्रालय

माननीय मन्त्री दिपेन्द्र बहादुर थापा ज्यू लगायतवाट मुस्ताङ जिल्लाको स्थलगत अनुगमन

माननीय उद्योग, पर्यटन, वन तथा वातवरण मन्त्री दिपेन्द्र बहादुर थापा ज्यू, गण्डकी प्रदेशका सांसद माननीय विकल शेरचन र नम्डु गुरूङ ,स्थानीय जनप्रतिनिधिहरु, सरोकारवाला कार्यालयका प्रमुखहरू, डिभिजन वन कार्यालय मुस्ताङ र वाग्लुङका कार्यालय प्रमुखहरु, भू तथा जलाधार व्यवस्थापन कार्यालय पर्वतका प्रमुख, उद्योग तथा पर्यटन कार्यालयका प्रमुख, स्थानीय पर्यटन व्यवसायी र स्थानीय वासीहरुको सहभागितामा मुस्ताङ जिल्लाका उद्योग, पर्यटन, वन र वातावरण, भू-तथा जलाधार, पहिरो रोकथाम, तटबन्धन सम्बन्धीका योजनाहरूको कार्यन्वयन, आगमी योजनाहरू र पर्यटन प्रर्वधनमा परेका समस्याहरूको बारेमा छलपल गर्नुभयो।साथै मुस्ताङ जिल्लाको धार्मिक तथा पर्यटकीय स्थानहरूको स्थलगत अनुगमन,स्थानीय जनप्रतिनिधीहरू,आमा समुह, होमस्टे संचालक, पर्यटक व्यवसायीहरू लगायतका सरोकारवालाहरुसंग छलफल गर्नुभएको थियो।कागवेनीमा वाढीपहिरोवाट भएको क्षतिको पुनरुत्थान र मुस्ताङ जिल्लाको दिगो र दिर्घकालीन विकास गर्न आफ्ना मन्त्रालय अन्तर्गतका कार्यालयहरूको निरिक्षण, कार्यप्रगति र आगामि कार्यक्रमहरूको कार्यन्वयन गर्नको लागि आगमि बर्षका लागि गर्न सकिने योजनाहरूको बारेमा छलफल गर्दै जिल्लाका मुख्य मुख्य स्थानहरूको स्थलगत अध्ययन र अवलोकन गरी महत्वपूर्ण सुझाव तथा निर्देशन दिनुभएको थियो। तस्विरहरु संलग्न छन्।