जलवायु परिवर्तन तथा जलाधार व्यवस्थापन महाशाखा
मुख्य कार्यहरू
- जलाधार, जलवायु परिवर्तन र अनुकूलन सम्वन्धी नीति, कानून, मापदण्ड कार्यविधि तयार गर्ने,
- जलाधार, जलवायु परिवर्तन र अनुकूलन सम्बन्धी बजेट र कार्यक्रम तयार गर्न सहयोग गर्ने,
- जलाधार सूचना प्रणालीको विकास गर्ने,
- सिमसार तथा ताल तलैया क्षेत्रहरुको संरक्षण, व्यवस्थापन सम्बन्धी कार्य गर्ने गराउने,
- राष्ट्रिय एवं प्रादेशिक महत्वका संम्वेदनशील र जोखिमपूर्ण अवस्थाका जलाधार क्षेत्रहरुको पहिचान गर्ने,
- जलाधार संरक्षण र व्यवस्थापन योजना लगायत पहिरो, भूक्षय, प्राकृतिक प्रकोप पहिचान प्रकृया सम्बन्धी प्राविधिक निर्देशिकाहरु, खाकाहरुको विकास गर्ने,
- जलाधार व्यवस्थापन कार्यहरुलाई आवश्यक पर्ने कार्यक्रमहरुको तर्जुमा गर्ने,
- भू तथा जलाधार संरक्षण सम्बन्धी ऐन नियमहरु निर्माण तथा आवश्यक संशोधन गर्न कारवाही चलाउने,
- प्राकृतिक स्रोत व्यवस्थापन गर्ने निकायहरुवीच प्रदेश स्तर एवं स्थानिय तहमा समन्वय गर्ने आधारशिलाहरु विकास गर्ने,
- जलाधार व्यवस्थापन कार्यहरुको लक्ष्य, उद्देश्य र अपेक्षित प्रतिफल अनुरुप भए नभएको हेर्न समय सापेक्ष अनुगमन मूल्याकंन प्रणालीको विकास गर्ने, परिमार्जन गर्ने र सो अनुरुप अनुगमन मूल्याकंन गरी कार्यक्रमहरु सुधार गर्ने तर्फ पृष्ठपोषण गर्ने ।
- नदी प्रणालीमा आधारित वृहत जलाधार संरक्षण योजना तर्जुमा तथा कार्यान्वयनका लागि नीतिगत सहजीकरण गर्नु गराउनुको साथै भू-संरक्षण तथा जलाधार व्यवस्थापन सम्बन्धी आयोजनाहरुको कार्यक्रम गर्न समन्वय तथा सहजीकरण गर्ने, गराउने,
- बाढी पहिरो जस्ता प्राकृतिक प्रकोप न्यूनीकरण सम्वन्धी आवश्यक रणनीतिक योजनाहरुको अवधारणा बनाई प्रदेश तहसँग समेत आवश्यक सहकार्य र समन्वयको वातावरण सिर्जना गर्ने,
- कार्वन व्यापार सम्बन्धमा अध्ययन अनुसन्धान लगायत प्राविधिक कार्यहरु गर्ने, गराउने
- वातावरणीय सेवाहरु (Environmental Services) को सन्दर्भमा अध्ययन अनुसन्धानका कार्यक्रमहरु संचालन/कार्यान्वयन तथा उपर्युक्त Payment for Environmental Service को पहिचान गरी सोको कार्यान्वयन समेत गर्ने, गराउने,
- वातावरणीय अध्ययनको लागि आवश्यक पर्ने विज्ञहरुको रोष्टर अध्यावधिक गर्ने, गराउने,
- नियमित रुपमा वातावरणीय अध्ययन प्रतिवेदन मुल्यांकन तथा सिफारिस समितिको बैठक संचालन गर्ने,
- प्राप्त वातावरणीय अध्ययन प्रतिवेदन र सो साथ प्राप्त फायलको आवश्यक अध्ययन गरी सम्पूर्ण प्रकृयाहरु पुरा गरी स्वीकृतीको लागि पेश गर्ने,
- वातावरणीय अध्ययन प्रतिवेदनको कार्यान्वयनको स्थितिको वारेमा Baseline Monitoring बमोजिम नियमित रुपमा Compliance and Impacts Monitoring को साथसाथै परीक्षण (अडिटिङ्ग) गर्ने, गराउने,
- प्रदेशको समष्टिगत वातावरणीय स्थिति सम्बन्धी प्रतिवेदन तयार गर्ने गराउने ।
- जलवायु परिवर्तन सम्बन्धी नीतिगत अध्ययन अनुसन्धान गर्ने,
- जलवायु परिवर्तन सम्बन्धी वार्ताको लागि आवश्यक प्रादेशिक कार्यपत्रहरु तयार गर्ने, गराउने,
- जलवायु परिवर्तन सम्बन्धमा गोष्ठी, कार्यशाला तथा तालिमको आयोजना गर्ने,
- जलवायु परिवर्तन सम्बन्धी कार्यक्रमहरुको संयोजन गर्ने,
- जलवायु परिवर्तन सम्बन्धी कार्यक्रमहरुको कार्यान्वयनको लागि दात्रृ निकायहरुबाट प्राविधिक एवं आर्थिक सहयोग जुटाउन प्राविधिक प्रस्तावहरु तर्जुमा गर्ने,
- जलवायू वित्त व्यवस्थापन सम्वन्धी कार्य गर्ने,
- जलवायु परिवर्तन अनुकूलन तथा न्यूनीकरण सम्बन्धी कार्यक्रमहरु तयार गरी कार्यान्वयन गर्ने, गराउने,